برهان بسيّس: ياخي في بلادنا فمة فرق بين 30 ديسمبر وإلا 31 مارس وإلا 80 سبتمبر ؟
علّق المحلل السياسي برهان بسيّس على الخطأ الذي صدر في قرار وزارة الصحة بمواصلة تطبيق حظر الجولان حتى 31 مارس ثم قيامها بإصلاح الخطأ ليصبح الحظر حتى 30 ديسمبر الجاري.
وقال بسيّس في تدوينة على صفحته”ربي يعرف آش يعمل كي كل بلاد يعطيها اختصاصها…. مالعهد الحفصي لليوم اختصاصنا فطاير وعصيدة وكسكسي وطواجن وشوية سياحة وتشيشة ديمقراطية خلطنالها السنوات هاذي…
تخيل خصنا ربي في الظروف هاذي بحقيبة نووية وزر نووي محطوط في يد واحد كيما صديقنا المسؤول متع وزارة الصحة الي عمل البيان متع حظر التجوال وحط فيه نهار31 مارس ومبعد قال نفدلك يا لولاد راهو ل30 ديسمبر…. في قعدة من قعداتو جمعيتو تمركي البونطو الخامس ينجم يتهز ويتنفض ويجي فوق الزر النووي…
لكن بربي سؤال للعباد الي خاضت بعد البلاغ لول متع وزارة الصحة وما فهمتش علاش :
ياخي في بلادنا فمة فرق بين 30 ديسمبر والا 31 مارس والا 80 سبتمبر ؟؟؟” وفق قوله.
