حياة جبنون :”حياتي بدات وقت عاهدت ربي على التقوى.. واليوم الفنانين يتباهاو بالعراء” (فيديو)

تحدّثت الفنانة التونسية المعتزلة حياة جبنون خلال استضافتها في برنامج “لاباس” عن موقفها من الإعلام في تونس واعتبرت أن البرامج التي يتم تقديمها تتميز بالانحطاط الأخلاقي قائلة :”اليوم الفنان ولا يتبهاو بيه بالعرا متاعو وبلي مربي كلب وبابارازي ودرا شكونو ياسر … أنا عندي اصحابي يقولولي معادش نتفرجو عالتلفزة خاطر ولا انحطاط وازمة اخلاقية حادة ..”.

وبخصوص الجدل الذي أثارته بعد اعتزالها قالت :”أنا تاريخي وحياتي وروحي بدات نهار إلي عاهدت ربي على التقوى والاستقامة وربي يثبتني … كنت نلهو ماشية مع الماشيين وجاية مع الجايين ونسهر ومانيش حاسة بالدنيا … أنا توا فهمت روحي والله شايخة وكنت نروح الاربعة متاع الصباح مهتوكة وتاعبة … أنا توا حياة الحية إلي عايشة في أحلى عيشة واستقرار..”.وأضافت :” أنا مانحضرش في البلاتوات ونوفل كلمني عندو عامين وقالي ايجا بمناسبة المولد وأنت اختي ، وحتى كان نحضر في البلاتوات أي شبيه أنا نشرف المرا التونسية والحمد لله وندافع على حجابي وعلى ديني”.