إعلام ونجوم

وردة الغضبان :”بية الزردي قلبها أكحل وطلعت قرعة بوطزينة.. وهذا الي صار في الكواليس”(فيديو)

تحدّثت الفنانة وردة الغضبان اليوم الاثنين 7 مارس 2022 في برنامج “Diwan trend” على إذاعة ديوان أف أم حول خلافها الأخير مع الكرونيكوز بية الزردي وما حدث بينهما في كواليس برنامج jdt وقال :” الي صار في jdt ماهوش مفبرك انا كنت شاكية بيها في فترة سابقة اما كي تدخل قبل هادي زعيم بالصلح بيني و بين بية سامحتها.. و كي عيطلي امين قارة قبلت خاطر نحبو و نحترمو انا حكيت عادي و عبرت على رايي و مخلية للصلح مكان.. اما المرا هذيكا قلبها ما فيهش رحمة و واصلت تسب و ثمه كلام ما تعداش قالت وردة مستواها منحط و ما نطيحش لمستواها..ناس بكري قالو ما يكبر في دارك كان القرع و هي طلعت قرعة بو طزينة.. نحب نشكر لطفي بندقة الي تغشش على خاطري و جاوبها.. انا كي حكيت على أفكاري لا نمثل المرا التونسية لا هي تمثلني مثلا المرا الي تنشر صورتها عريانة في فيسبوك حرة في حياتها ما تمثلنيش و انا كيف كيف رايي حرة فيه قلت راجلي يكون أمير بالطبيعة نحكي على الراجل الباهي الي يعاملني بالباهي مش الراجل الخايب الي يضرب مرتو.. انا اليوم حكايتي وفات مع بية غادي في الحصة و حتى في الكواليس كي خرجنا ما حكيناش”.

هذا و شهدت الحلقة الفارطة من برنامج Jdt على قناة الحوار التونسي مشاحنات ومشادة كلامية بين كرونيكوز الحلقة بية الزردي والفنانة وردة الغضبان بسبب الخلاف الأخير بينهما، حيث قالت وردة : “عيب عليك يا بية نهار كامل وانت تسب فيا وحاطتني في مخك علاش تقول عليا قعرة وتعمل في الفيديوهات.. أنا ما نترهدن لحد.. انت نهار كامل تتمقعر عليا والسب الي سبيتهولي ما يجيش تقلي يا جاهلة ويا متخلفة..”.لترد بية الزردي :”أنا ما ندخلش في حياتك وتوا مانيش باش نجاوبك وانت أصلا ما تجيش فنانة كان ما جاش أمين قارة راك في الدار..”.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى