مهدي الهميلي : مهذب الرميلي ”خوانجي” و متطرف و كانو مريض متسعد نعالجو على حسابي(فيديو)
هاجم المخرج مهدي الهميلي ، الممثل مهذب الرميلي معتبرا انه ممثل متطرف و معروف أنه “خوانجي” ، على حد قوله.
و قال الهميلي خلال استضافته في برنامج “السهرية ” على إذاعة “موزاييك” ، “من حق أي واحد يقول أعمال تعجبو و الا ماتعجبوش et on passe موش مسلسل باش يوقفلنا حياتنا ، مهذب الرميلي عمل زوز أدوار ولى ينضر في التمثيل ويخرج عند هادي زعيم ويقول انا ربكم الأعلى وانا الفن وانا الجمال حسسني الي هو بيكاسو زمانو والا روبارتو دنيرو تواضع يا صديقي يا مهذب الرميلي انت ممثل مازلت قاعد تبدى و الشهرة جاتك على الكبر”.
و أضاف قائلا “هو سب ناس الكل وسبني انا وقالي اسمي انا مانعرفوش و ماعنديش حتى إشكال معاه هو كممثل متوسط عاللخر وهو فنان ياسر متطرف ومعروف انو خوانجي هو توة قاعد يعمل في برومو لروحو على خاطر يكتب في مسلسل لرمضان الجاي قاعد يسب في الناس الكل يقول هذاكا موش باهي فلوجة موش باهي ولاخر باهي يا سيدي انت الباهي”.
و تابع قوله ” انت تحب فرصة قول اعطيوني فرصة واخدم على روحك انا مهذب رميلي مستعد نعالجو على حسابي كانو مريض يتعالج واكهاو… من انت باش تقول عليا انت عملت زوز افلام متوسطة وعملت زوز أدوار في تلفزة واكهاو ماكش توفيق الجبالي ماكش فاضل الجعايبي ماكش مخرج مسرحي كبير”.
