منال عمارة تردّ على بائعة المشموم :”ماشية لقبر وتقلي هاني حضرتهولك.. تبكي أمّك ولا تبكي أمي”(فيديو)

ردّت الفنانة التونسية منال عمارة عبر حسابها الخاص، على المرأة “بائعة المشموم” التي إتّهمتها مؤخرا بقطع رزقها و تهديدها بحياتها، وقالت منال :”كيما فسّرت في البرنامج لأسباب وقائية بيعان المشموم كان ممنوع، و يضهرلي حتى حد فيكم ما يرضى باش يتعدى.. المرا هذية ماشية و تتمادى على طول شفت حتى فيديو جايبة فيه زوز صغارها وقت الفجر قدام كباريه و طالبة من مول الكباريه باش يق_.تلهم كان يحب والطفل الصغير يبكي في حالة والسيد متاع الsecurité رغم إنو عملت فيه ما عمل حتى ردة فعل..”.

و أضافت :”تشهّر بيا فالتلافز و وسائل التواصل الإجتماعي و تحكي كيفاش تمشي الجبانة باش تدعي بيا و عدّيتها و قلت ام صغيرات الجهل مصيبة و ماعملت حتى تصرف و قلت عندها زوز ملايكة و لي يسامحها و على خاطر الصغيرات مانيش باش نشكي… لكن توصل بيك الدناءة انو تقعد على قبر تقول هذا قبر منال عمارة هاني حضّرتهولها و برشة كلام آخر و لا احترمت حركة الميت ولا الجبانة اللي فيها… كيف نشكي بيها توا باش نولي انا للخايبة اما فما مثل يقول تبكي أمك و لا تبكي أمي”.