الصحفية نعيمة الشرميطي تُطالب بطرد حنان وبيّة ورانيا :”شوهوا صورة المرأة.. إعلام المزابل” (فيديو)
علّقت الصحفية نعيمة الشرميطي، على الحلقة الأولى من برنامج “Jeu dit tout”، في موسمه الجديد على قناة الحوار التونسي.
وعبّرت الشرميطي، عن استيائها من فحوى الرنامج، مطالبة القناة بضرورة سحب الحلقة، وطرد الثلاثي بية الزردي وحنان العشّ ورانيا التومي.
وقالت في تدوينة على حسابها الرسمي “فيسبوك”، “توضيح: حكيت في ستورياتي على أنستغرام على المحتوى الإعلامي متاع حصة إعلام المزابل لأمين قارة و هاك الثلاثي اللي يفدلكوا بكلمة بايرة و جايبين مشعوذ دجال يبيضوا فيه في بلاتو تلفزي…
نحب نقول راهو اللي صار انحطاط فكري و حط من صورة المرأة في وقت تتعرض فيه المرأة التونسية.. الإعلام مطالب بالدفاع عن المرأة بصفة عامة و لا يجب السقوط في خطاب ميزوجيني تحقيري ضدها..
كما أطالب قناة الحوار التونسي أولا بسحب الحصة المذكورة بتاريخ 28 سبتمبر 2023 لما تضمنته من خروقات
ثانيا : طرد الثلاثي حنان العش و بية الزردي و رانيا التومي اللي شوهوا صورة المرأة و اللي عاملين البلاتو بش يصفيوا حساباتهم مع ناس معينة ، يجيبهم قارة بش يحققواvisibilité ويدخلوا بيها فلوس على أنستغرام
ثالثا : اعتذار قناة الحوار التونسي عن المهزلة الإعلامية و نحب نقول راني أكثر وحدة ندافع على حرية التعبير و اللي قاعد يصير في البرنامج ليس بترفيه أو إعلام بل هوtélé poubelle.
رابعا: أدعو زملائي و المجتمع المدني إلى امضاء عريضة لوقف موضة ( الكرامكة كرونيكور) و هذا الزحف و الغزو من قبل الدخلاء و الدخيلات في وسائل الاعلام ( تلفزة و راديو ) و الحد من هذه الظاهرة الخطيرة جدااااا و التي قضت و أحالت الصحفيين على البطالة بإستثناء الناس المغرومة و اللي تنتج محتوى إعلامي فيه أبسط مقومات أخلاقيات المهنة.”
الفيديو :
