أميمة العياري :”ريم الرياحي صاحبتي وقراب لبعضنا .. باش ترجع قوية ونشوفوها في مسلسل رمضاني”

أميمة العياري في برنامج #الراف_ماغ :

ريم الرياحي هي صديقة قبل ماتكون فنانة ، ريم هي صاحبتي وكيف اختي وأحنا قراب لبعضنا برشا … ريم إلي كانت قبل شهر اوت محبوبة من الناس الكل ، ريم إلي عمرها ماجبدت حد وإلي عمرها ماعملت البوز ولا كلاشات حد …
بقدرة قادر تتقلب الموزاين ملي كانت محبوبة تولي تتسب والناس تتهم فيها منغير حتى مايشوفو حاجة بعينيهم ويحكمو عليها قبل مايحكم القضاء ويقول كلمتو …
فما ربي في الوجود هو إلي يحكم ويقرر ساعات ربي يرحم ولعباد ماترحمش … ريم 3 شهر ونص ماخرجتش من الدار ودخلت في حالة نفسية صعيبة … وتلقى فيديوات هابطين منهم فيديواتي أنا ماخذينهم من التيك توك متاعي وتصوروا قبل شهر اوت وهو ربي يعلم بيها شنوة حالها وقتها …
بربي قبل مانقولو أي كلمة نخممو في صغارها وامها وعايلتها علاش تجلدوا في الناس هكا وحدكم ؟ …
أنا نحيي ريم على شجاعتها والهادي زعيم إلي كان محترف ، إن شاء الله ترجع قوية ونشوفوها على قريب في مسلسل سوسن الجمني على قناة الحوار التونسي
الفيديو :https://youtu.be/ykjWHLXdahg?t=7605