أخبار

مهذب الرميلي يرد بخصوص طرد نهائي للتلميذة نور عمار من المعهد:”إلي موافق على الفيديو نقلو برا ربي بنتك ولا ولدك..مئات التلامذة اليوم قاعدة تتطرد هذا قانون..”(فيديو)

أعلن معهد الفنون بالعمران، أمس الإثنين 5 ديسمبر 2022, أنّه قد تقرّر طرد التلميذة نور عمار، التي تدرس في السنة الثالثة إعلامية اختصاص موسيقى نهائيا بعد إنتقادها للممثل و الأستاذ مهذب الرميلي على التيكتوك.

وفي تصريح لبرنامج Café Crème مع عفاف الغربي على إذاعة ديوان أف ام،قال مهذب الرميلي:

“أنا باش نحكي بكل تحفظ عن الموضوع لأني في الوضعية هذي أنا أستاذ ومنجمش نحط في موقع أني نرد على التلميذة
التلميذة هي حرة تقول إلي تحب والناس إلي تصدق هي حرة زادة..إلي صار أنو التلميذة ما قدمتش خدمة ولا أنا نقدتها أصلا على خدمة هي ماخدمتهاش وهي ماتقراش عندي ماهيش تلميذتي تقرا موسيقى..جات مع زملائها إلي يقراو مسرح عندي بتعلة تعمللهم الموسيقى متاع المشاهد المسرحية إلي أحنا مازلنا ماوصلناش للمرحلة هذي أحنا في مرحلة الكتابة..البنية جات للقسم بلا الة موسيقية وأحنا ماعندناش مشاهد باش نعملولهم موسيقى أحنا مازلنا نكتبو فلا داعي لحضورها..هي الطفلة زميلتها إلي دخلتها معاها قالت إلي هي جات معاها باش تعمل الخلفية الموسيقية ومن واجبي أني نصلح المصطلحات وقلتلها مانقولوش الخلفية الموسيقية..بإلحاح من صديقتها دخلت وأحنا نقراو 4 ساعات قعدت ساعتين من 14:00 للاربعة عادي وتتفاعل مع المشاهد وخرجت على روحها مبعد من الاربعة للخمسة منعرفش شنوة إلي صار شكون إلي حرضها
رجعت الخمسة في شكل اخر تصيح وتحكي في كلام خايب منجمش نعاود على أساس أنا هنتها ومافهمتش.. أنا تفاجأت بالفيديو
أنا قدمت قضية موش في شخصها هي كتلميذة في المعهد..أي واحد موافق على الفيديو إلي تنشر نقلو برا ربي بنتك ولا ولدك
أنا استاذة وهي تلميذة وحتى الغضب متاعي عندو حدود..مئات التلامذة اليوم قاعدة تتطرد علاش قامت القيامة كان في هذي ، على خاطر فيها مهذب الرميلي ؟
ياخي تحبونا نتعاملو بسياسية المكايلين وهي تلميذة ككل التلاميذ وهذا قانون وأنا مع مراجعة هذا القانون وايجاد عقوبات بديلة
لكلنا ضد عملية الطرد ولكن هذا القانون..التلميذة هذي تكبر تصغر هي بنتي وأنا يهمني نبني مشروع انسان موش مشروع فنان
أنا شكيت بعباد اخرين بالتشهير والموضوع هذا عند القضاء..قرار الطرد ماعنديش فيه دخل موش أنا نقرر…”

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى