أخباررياضة

محمد الساحلي هذه حقيقة الكرة التونسية: “بطولة ضعيفة..رشوة وبيعان ماتشوات..”

نشر المدرب التونسي  محمد الساحلي تدوينة عبر حسابة الشخصي على موقع فايسبوك متحدثا فيها عن خيبة المنتخب التونسي في قطر 22 ، 

نص التدوينة:

الف الف مبروك للمنتخب المغربي الشقيق ، 

تكون في صدارة مجموعة فيها بلجيكيا،كرواتيا وكندا (الكرة ماشية وتطور) وبعد تتعدى اسبانيا هذا الكل يدل على قوة المنتخب (قيمة فنية) ،

مدرب محلي ناجح وتوفرتله كل ظروف النجاح.. هذا نفس المنتخب الي انسحب من كأس افريقيا الاخيرة من الدور ربع النهائي  ضد مصر! 

شنوا الي عمل الفارق!!؟؟ المصلحة العامة والبيئة المحيطة بالمنتخب والكرة المغربية (ان شاء الله بمزيد نجاح)

ايا ملي  “أعتذرت”على عرض الجامعة تونسية وما وفقها من سلب وشتم من ناس غايتها تأكل لقمة… خيرت باش نسكت لانرد على حد ولا نعطي رأي الا بعد نهاية مشاركة المنتخب ،

أحباء المنتخب مستائين وكنت ناس لكل تحب ترى المنتخب يتعدى دور المجموعات لكن نسينا انه المنتخب هو نتاج للوضع المزري الي تعيشه الكرة تونسية؛

بطولة ضعيفة (اقوى بطولة عربية وافريقية)

ملاعب  في حالة  مزرية

رشوة وبيعان ماتشوات7:7..

تدمير نوادي كانت في يوم من الايام مناجم متع مواهب (بقلاوة ،CAB،JSK,المرسى،جرجيس ،COT،قًصرين..)

حكام تزفر على قياس…

غياب واضح للاستراتيجية في اصناف شبان

سن قوانين غير حكيمة وتصب في مصلحة ناس خاصة (قانون الاعب شمال افريقي لاعب محلي…)انشقاقات ،تكريس الجهوية،انتهازية وازمة اخلاق ونفاق اجتماعي غير عادي.مستواى كرتنا يعكس غياب المصلحة الوطنية .

جلال القادري في ظروف كيف هكة عمل الي عليه وكل مدرب يغلط ويصيب وان شاء الله مايكون هو كبش الفداء.

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى