أخبارإعلام ونجوم

عاطف بن حسين يساند فرحات هنانة :”راهم أسقط ما أنجبت البشرية..انت بريء من كل ذلك الافتراء”(فيديو)

نشر الممثل عاطف بن حسين تدوينة عبر حسابه على موقع التواصل الاجتماعي ، اعلن من خلالها مساندته المطلقة لصديقه الممثل الكوميدي فرحات هنانة الذي تعرض لهجوم حاد بعض تصريحات ارملة الراحل سفيان الشعري ، ضد ما اسماه “عش الدبابير” و “غار اللفع”.حيث قال عاطف :”بوفريح… فرحات.. قوفريح (كيما يحب يعيطلك ابني الصغير هود) … آش تحبني نقلك و منين باش نبدى… جاء الدور عليك صاحبي… لواه تمس في السيستام ؟ و اش لزك اتبع في طريق الحق في وسط وحوش همهم الوحيد كيفاش يعملوا باش أحنا نفناوا ؟؟؟ مازالوا باش يعملوا أكثر من هكة بيااااااااسر… نكلوا بينا كيما حبوا و مازالوا… غار اللفع معبي.. عش الدبابير… قتلك ماعادش تمشيلهم و خوذ منهم موقف نهائي… كيف نقلك راهم أسقط ما أنجبت البشرية مانيش نفدلك.. كيف نقلك راهم أوطى ما تنجم تعرف مانيش نفتري عليهم.. كيف نقلك راهو الدومان هذا مستنقع متاع ضفادع راني خابرو مليح و نعرفهم ضفدع ضفدع و تعداوا قدامي يكركروا في شلايكهم و يدبروا في بليصة… راهم مستعدين يحاربوك بكل قذارة العالم لأنهم يعرفوا انو هذيكة بلاصتنا و ماهم الا متسلقين مبيوعين و بيوعة… يحاربوك حتى بالموتى العزاز علينا…. أنا ما نلومش على سهام مرت صديقنا و فقيدنا سفيان الي مازال يوجعنا برحيلو و يمتعنا بتمثيلو… انا نلوم علي هزها للكلام هذاكة الي حير مواجعها للي لزها تقول هكاكة.. انت بريء من كل ذلك الافتراء و انا شاهد على ذلك… أبعثهم و ماعادش تسمعهم و ماعادش تمشيلهم.. في انتظار تنظاف و تتغير الأمور…. لا تهتم صديقي و الله يرحم سفيان الشعري… صاحبك و خوك عاطف بن حسين و عايلتو الكل فردا فردا الي يحبوك و يتوحشوك”.

وقد وضح عاطف بن حسين انه لا يقصد زوجة المرحوم سفيان الشعري لان من حقها الدفاع عن زوجها وكشف حقائق وفاته ولكنه ضد كل من يتاجر و “يفتن” بهذه القضية في الاعلام.

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى