محمد علي التونسي يعثر على سحر بسيارته :”عقدتكم بنجاحي دورتوها سحر وشعوذة وريق شواطن توا..حسبي الله “(فيديو)
نشر الممثل التونسي الشاب محمد علي التونسي صباح اليوم الإثنين 26 فيفري 2024 مقطع فيديو عبر حسابه الخاص يوثق من خلاله عثوره على طلاسم سحر وشعوذة بسيارته.
وقال محمد علي التونسي أنه تنقل لاصلاح عطب ما، فعثر الميكانيكي على ورقة وأشياء غريبة داخل السيارة :”
حسبي الله ونعم الوكيل ربي يضركم ويتولاكم حرام عليكم .. لقيتهم في كرهبتي لقاهم الميكانيسيان اليوم الصباح”.
وأضاف في تدوينة أخرى :”
محمد علي تونسي مرضي والديه ما تنجمو تعملولو شي ما لقيتوهاش معايا في كل شي لا ركح لا تلفزة لا كوتا لا وهرة ومعقدكم فلي تحبو انتوما نطير بيكم طيران في العمر هذا.. والي عندو عكس هذا يتفضل.. نحيتوني من خدم وسكتنا حكيتو علينا وسكتنا عملتو كوميتات وتكتلات وجبتوني على برة وسكتنا.. دورتوها سحر وشعوذة وريق شواطن توا !! وباقي شي ما تقدونيش لو كان تعملو جيش كامل ومازلت باش نعقدكم وديما معقدكم ومطير النوم من عينيكم وتعملولي ألف حساب ربي ورضاية الوالدين ولباس وحسبي الله ونعم الوكيل”.
الفيديو :
