سياسة

سيف الدين مخلوف الزرڤوني عندو ليستة مدّوهالو متع زغراطة ليلى إلّي ائتلاف الكرامة رابحها رئاسية وتشريعية …


دون النائب سيف الدين مخلوف على صفحته الرسمية ، اليوم السبت 15 أوت 2020 :الزرڤوني هو إحدى الأدوات الحقيرة لماكينات التأثير وصناعة الرأي في تونس .. وهو مجنّد للقيام بهذا الدور كلما طلبوا منه ذلك وكلما حكوا أجانبهم .. ودفعوا ..
السيد صارف شريكة وروجيستر دو كومارس وموظفين وكلمتين سيونتيفيك وستاتيستيك وأناليتيك على شوية سينيما وبوليتيك .. وهو في الحقيقة عندو ليستة مدّوهالو متع 200 زغراطة مالشعبة .. يدور عليهم بالتلفون وحدة وحدة كيف العادة كل شهر مرّة .. ويزيدهم خمسة ولا ستميات تلفون أخرين يطلبهم تتليفا .. ويعلّق ..
وصلوشي 800 تلفون ؟؟ .. أكهو يخرج علينا في جريدة المغرب الناطقة بإسم اليسار التجمعي المنقرض .. وأسمع يلي ما سمعتش .. زغراطة ليلى إلّي ائتلاف الكرامة رابحها رئاسية وتشريعية وذهاب وإياب وخدمة وحضور ومساءلات ومبادرات .. ولّي ما خدمت في المجلس ولا نهار وما قدمت للتوانسة كان النديب على راسها .. هي لولى في نوايا التصويت عند التوانسة
وبرا عاد .. في لحظة تخدم الماكينات .. ويصبح ولد الزرڤون هو الضيف الأول في شعبة ميدي شو وفي كل البلاتوات والنصب متع المرتزقة الأخرين يحكي ويحلل ومعاه مذيع يحلل .. وكرونيكور مخو جابد عاليسار معاهم يحلل .. ويزيد يجيبوا واحد آخر راسو مربّع باش يلعب دور المحايد ويحلل .. وساعات ساعات يختاروا بالذمة واحد محسوب عالثورة لكنه غبي جدا .. يزيد يعاونهم ويحلل ..
المشكل إنهم الكل ماشي في بالهم يحللوا في أرقام ونسب حقيقية .. وماشي في بالهم إنو الزرڤوني تاعب وعارق وينڤز من إذاعة لإذاعة ومن تلفزة للتلفزة .. ويطلع ويهبط ويبرول ويستنبط ويعرق ويغطرق .. باش يحلل معاهم أرقامو ..

وهو في الحقيقة يعرف ويجتهد ويعمل في مجهود خرافيييي باش يحلل .. فلوس الحرام إلّي يوكّل فيها لصغارو ..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى