إعلام ونجوم

بوبكر بن عكاشة يغادر نهائيا راديو موزاييك بعد 20 سنة

أعلن الإعلامي بوبكر بن عكاشة عن مغادرته راديو موزاييك نهائيا بعد تجربة دامت 20 سنة.  

و أضاف بن عكاشة في تدوينة على صفحته الخاصة بالفيسبوك:

نتذكر أول نهار في نوفمبر 2003 … عمري 22 سنة …و نتذكر بوكي احلى الكلام و ترهويجة و اهلا بيكو و اشهارات البرمجة و وليت الصوت الرسمي لموزاييك أف أم … نتذكر تجربة إدارة البرمجة 9 سنوات و برشة أفكار خدمناهم و نجحنا فيهم … نتذكر برشة زملاء خدمنا و تعبنا مع بعضنا 

نتذكر هندسة سايس خوك و نجاحها في صيف 2009 و كان معانا نصر الدين بن مختار يرحمو .. نتذكر سهرات ليلة راس العام و رمضان شو أنا و هادي زعيم ..و بعد جات ميدي شو كانت ثقافية ..نتذكر ليلة 14 و 15 جانفي و حتى ل18 جانفي و قت خذيت المسؤولية و نجحنا مع عديد الزملاء باش نتعداو لمرحلة جديدة وقت ما فما حتى تأطير إداري مباشر . نتذكر معاركي و الصعوبات و الخلافات . عملت برشة أغلاط و عملت برشة نجاحات . و نعتبر من أهمها  à la page  مثلا .. و على كل لسان في نسخته الحالية هو من أفضل تجاربي من حيث القيمة المضمونية . ماهوش ساهل أنك تخدم دائما من أجل النجاح و تحط مصلحة المؤسسة اللي تخدم فيها قدام عينيك . تخدم بلاش أنانية و بنظافة .. و المسؤولين يعرفو مليح هذا .

بعد ما يقارب 20 سنة من الانتماء روحا لموزاييك … عملنا غلطة و ماهياش أول مرة تصير و ما تم اتخاذ حتى قرار .. ولات قضية أكبر من حجمها ..لانها غير مقصودة و الناس الكل تغلط …

يظهرلي حان الوقت لأخذ قسط من الراحة من العمل الاذاعي في موزاييك و خوض تجربة أخرى .

و اعلان نهاية الرحلة … حظا سعيدا للجميع . 

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى