باحث في علم الإجتماع يهاجم ضحى العريبي :”أعظم إنجازاتك تجيب راجلك وتبدى تقشتل فيه” (فيديو)

أثارت “التيكتوكوز” التونسية، ضحى العريبي جدلا واسعا في تونس بعد اعلانها أنها تتحصل على حوالي عشرين مليون في الساعة على التيكتوك في المقابل درست للتاسعة أساسي ومعدلها لم يتجاوز 3 على 20 حسب تصريحها لقناة الحوار التونسي .

و اتهم عدد من التونسيين ، برنامج ”فكرة سامي الفهري ” بتقزيم الدراسة و العلم مقابل ترويج ضحي العريبي على أساس أنها ناجحة في المقابل، اعتبر اخرون أنها قصة نجاح.

وأضافت العريبي ” مستوايا التعليمي تاسعة اساسي وكنت اتحصل على 3 معدل واشتغلت في محل مرطبات ب200 دينار ورغم ذلك نجحت في حياتي و تابعت ..” اليوم اتحصل على 20 مليون في الساعة على التيكتوك واصبحت مشهورة في الوطن العربي ”، حسب تعبيرها .

كما أكدت ضحى أيضا أن مواقع التواصل الاجتماعي منحتها النجاح والسعادة في حياتها المهنية والعاطفية أيضا.

وتعليقا على ذلك، كتب الباحث في علم الإجتماع معاذ بن نصير تدوينة أثارت تفاعل متابعيه، وجاء فيها :”تعليقي حول تصريح المسماة ضحى العريبي :

انك تخرج في التلفزة وتحكي وتقول راني جبت معدل 3 وهاك علاه بطلت القراية مالتاسعة وتو ندخل في عشرين مليون في الساعة..

ماهياش حاجة واو وتخلينا نكونو منبهرين بانجازاتك وإلي أعظمها تجيب راجلك معاك في فيديو وتبدى تقشتل فيه وتعاود، وإلا تحطو قدامك وتبدى تسخسخ فيه وهو عامل جو..

نتخيّل المرى التونسية عملت انجازات أعظم من هكة ببرشا ، المرى المش قارية والقارية على حدّ السواء ، المرى التونسية إلي لقيناها في أكبر المناصب الوطنية والعالمية.

مانيش نلوم فيك بقدر لومي لبعض من هالشعب (وإلي أنا ننتمي ليه) إلي خلق منك شخصية أما ورقية للأسف قابلة للتلف في كل وقت ، هالشعب الفاضي شغل ويدخل يتفرج فيك كيفاه تكوّر براجلك جيست باش يضيع شوية وقت ، هالشعب إلي يعيش فراغ نفسي واجتماعي ماهوش لاقي ما يعمل هاك علاه عايش معاك …

لو كان جا عندنا شعب واعي شوية ، نأكدلك لا إنت ولا غيرك تتكاثروا …”.