مايا القصوري :”شدني الحسّ الأربعة متاع الصباح وهذا الي صارلي بالضبط..” (فيديو)
نشرت الإعلامية مايا القصوري اليوم الإثنين 6 فيفري 2023 تدوينة على حسابها الخاص أثارت جدلا وتداولا بين متابعيها، وتحدثت مايا عن مشاعر الأمومة تزامنا مع عيد ميلاد ابنها، وقالت :” واحد و عشرين سنا لتالي شدني الحس الاربعة متع الصباح قعدت ساعتين في الدار تطبيقا لتعليمات القابلة الي تقلك ما تدخلش بعضك كيف يشدك الحس ..مشيت للكلينيك الستة متع الصباح ..نصف النهار ولدت ولدي يوسف وروحت بيه للدار مفجوعة ما نعرفش كيفاش نتصرف كيف هاك الي شرى ماكينة ياسر غالية و متطورة من غير هكا الكتاب متع كيفية الاستعمال …و قعدت هكاكا راو لليوم “.
وأضلفت :”مرة نصيب و مرا نخيب خاطر انا بيدي جايا للأمومة بهاك الحمل الثقيل متع الطفولة و الخيبات والالام و الخوف و الانقواس..اما تقعد الامومة هاك الاحساس الغريب الي ما كيفو شي الي يخليك تحضر قاتو على نهارين و تقوم الفجر بش تكملو وتزينو بش كيف يقوم وليدك من النوم يلقى قاتوه المفضل بالبفريوة مزينلو نهار عيد ميلادو”.
