محمد علي النهدي :”سامي الفهري صرف أكثر من 4 مليارات بين الفوندو وبراءة.. ويلزمو يرجعهم”(فيديو)

قال الممثل و المخرج محمد علي النهدي في برنامج ليالي رمضان على راديو ماد في علاقة بآراء الفنانين و الممثلين في الاعمال الدرامية :” اليوم كي نعطيو راينا في بعضنا العباد تاخذها بالخايب ،كان تشكر عمل الزملاء ما يقولوكش شكرا، لكن تذم يتغششو عليك و هذا اش صار كي عطيت رايي في كان يا ماكانش .

وأضاف النهدي قائلا :” يحبو ينحيو شوفلي حل قال شنو خذا نسب المشاهدة الكل ، يا سيدي اعملو حاجة اقوى منو تو يتنحى وحدو ، ما يطيح على الرطل كان الكيلو ، الدنيا تقلبت كي عطيت رأيي في كان يا ماكانش و قلت ما يعجبنيش ، العمل هذا معادش نحب نحكي عليه، في تونس 2022 المواضيع الكل نطروحها في الدراما مفماش مشكل في الطرح لكن الاشكال مفماش خيال و حلمة و جمالية، اقل شي سامي الفهري صرف 4 مليارات بين فوندو و براءة ولازم يرجعهم هذا هو الانتاج، ” كان يا ماكانش” عمناول الاخير في نسب المشاهدة شنو الي يخلي التلفزة تعاود جزء ثاني” .