ياسين العياري يعكس الهجوم على ألفة الحامدي:” كنت مجرد فقاعة صابون فارغة”

اتهم النائب بمجلس نواب الشعب، ياسين العياري، اليوم الثلاثاء 2 مارس 2021، الرئيسة المديرة العامة لشركة الخطوط التونسية المقالة ألفة الحامدي بالكذب بعد أن صرحت أنّ العياري أثنى على عملها وتواصل معها في هذا الخصوص.

وأكد العياري أنّ ألفة الحامدي عبرت عن رغبتها في الإنضمام لأمل و عمل، لكنّهم صرفوا نظرا عن ذلك بعد اكتشاف عدم جديتها قائلا”انت عارضة خدماتك على الجميع وكل تحوير أو حكومة اتدور عليهم الكل، في بالك عديتها على الناس الكل، لكن تونس صغيرة و الناس تعرف بعضها و الناس تحكي”.
وأضاف العياري في تدوينة على صفحته بموقع التواصل الاجتماعي ”علاش ما ساندتكش؟ فاش بش نساندك؟ في التصاور؟ في الأفلام؟ في تخليص الكاترينغ من جيبك؟ في تفريق الشكلاطة؟ في تحويل صفحة الغزالة إلى صفحة براندينغ لذاتك؟ آسف! لو ريت منك جدية، برنامج، وضوح، راني ساندت البرنامج”.
واستنكر العياري ما تقوم به الحامدي من تهريج وأفلام”ألفة، فاهم إنك تبحث عن تموقع، على دور الضحية، على تحيير إسمك، على سبكتاكل، على مهمة مقبلة، رجاء و الله لا عندي ليك وقت! لا رغبة! ريت العرك و المعروك؟ ال buzz؟ حتى مع ناس calibre عليك، تفاديته لأنه لا ينفع الناس”.
وختم النائب تدوينته بـ : ”عيب الي تعمل فيه! كنت مجرد فقاعة صابون، فارغة … السيرك متاعك، و هات نهابش فلان، نستفز فلان، نعمل عركات وهمية، المهم نحير إسمي، إضافة للفشل الذريع متاعك، ضر كل شاب، كل مرا، كل تونسي قرا و تكون في الخارج، يحلموا باش يساهموا في بناء بلادهم، و هذا ذنب عظيم”.