نوفل الورتاني : برشا قلة معروف و نكران جميل من مشاهير انا كنت سبب في شهرتهم

اعتبر الاعلامي نوفل الورتاني ان العديد من المشاهير في الساحة الاعلامية هو من كان سببا في الظهور لكنهم بعد انتهاء عملهم معه لم يشكروه واصفا إياها بنكران الجميل و قلة المعروف.
و تحدث الورتاني خلال استضافته في برنامج “عبدلي شو” مساء امس الخميس على قناة التاسعة عن جميع من عملوا معه كـ”كرونيكورات” مؤكدا ان علاقته بهم هادئة قائلا ” بخصوص مجد بلغيث أنا خرجت ماقلتش طردت وكلمة طرد عمري مانقولها وديما إلي يخرج من معايا تقعد علاقتنا هادئة لا نسبهم لايسبوني ، ميغالو ، كريم ، فيصل ، بسام ، وليد ، أروى ، بية ، فوزي والكل تقريبا لولا برامجي راهم ماطلعوش وهوما عندهم مواهب وموهبين أنا عطيتهم الفرصة للظهور عمركشي واحد فيهم خرج في حوار وشكرني ولا قال مرسي نوفل؟”.
و اضاف متسائلا “عمركشي سمعت مجد إلي متقلق من فلوس وكذا وخذا فلوس كيما يستحقهم وأكثر شكرني في حتى حوار ؟ هاذي نكران للجميل نعتبرها “.
و تابع قوله “أنا مثلا الكلام إلي قلتو على سامي الفهري في التاسعة أكثر ملي كنت في الحوار مستشهدا بوحيدة الدريدي بالقول “اتفقت معاها تقعد درجين تحكي على سامي وتشكروا ربي يخلص وحلو”.
و اكد قائلا “أنا أول ماخرجت من الحوار قلت أنا فكرة سامي الفهري وقعدت نشكر فيه حياتي الكل نقولها بوضوح هذوما الكل لولا نوفل وفريقي لما كانوا موجودين في الساحة الإعلامية قلة معروف وقلة خير وشويا تدعويش ونجومية “.
و ختم تصريحه بالقول “فما برامج كي يمشيولهم قوللهم تمشيش تجبدو نوفل هايا نشكروا واحد اخر وتتقص في المونتاج أنا 80% في برنامجي كي نجبد الحوار كلها شكر ونشكر حتى البرامج إلي تتعدى معايا فرد نهار وتوا نشكر سامي الفهري “.