نزار الشعري: التحية في الصور كانت للقائد حنبعل والراية الوطنية حبينا نذكروا الشباب ان تاريخ تونس عظيم وانهم وهوما الي باش يرجعو مجد قرطاج

في تعليق له على الضجة التي رافقت نشر صور لملتقى شبابي لمنظمة تونيفيزيون حيث ظهرت مجموعة من الشباب بلون موحد وهي تؤدي التحية العسكرية، قال نزار الشعري ان تلك الحركة الرمزية كانت تحية للراية الوطنية وللقائد القرطاجي حنبعل وانها كانت رسالة للشباب بان تونس كانت بلد امجاد ورجال وخضارة وانهم همة من سيعيجون مجد قرطاج.

وفيما يلي تعليق نزار:

في الصور تحية اشبال تونس وانا معاهم  كانت للراية الوطنية وللقائد حنبعل ابن ارض تونس الي زحف في يوم ما على اقوى امبراطورية في العالم وكتب ملاحم يشهد ليها العالم لليوم

الشباب الي سنين وهوما يزرعوا فيه عقلية السلبية والتنبير  والاحباط في عقلية تونس بلد التسول و تونس بلاد صغيرة لا تخبش لا ادبش والفقر مكتوب علينا والتخلف مكتوب علينا …احنا نحبو نزعوا فيه عقلية اخرى عقلية الاعتزاز ببلاده والايمان اني تونس بلاد الرجال والحضارة بلاد كان يتحسب ليها الف حساب وانهم هوما جيشها الي باش يرجع مجدها واعاود يبنيها ويعلي رايتها وانو مجد تونس لازم يرجع .

شباب تونس من سنين شكون استثمر فيه وشكون حكا معاه وشكون تحرك باش يزرع فيه عقلية العمل والايمان بالذات وبالقدرة على تغيير الواقع مهما كان صعيب شكون الي استثمر في شبابنا ومحبيناش نعاونوه.

الي يعتقد انو العمل هذا بدينا نقوموا بيه البارح  لغايات سياسية غالط طول وعرض، العمل هذا نقوموا بيهبيه عندنا  سنين من 2012 على حساب الوقت والعائلة والخدمة  وكلنا فخر واعتزاز، ونفرحوا كي نشوفوا غيرنا يمشي في نفس التوجه ويستثمر في شباب تونس واشبالها  ويحاول يزرع فيهم عقلية البناء والامل ونفرحوا كي نشوفوا اولدنا يشقوا طريق نجاح واكونوا حتى خير منا ويعملوا الي ما عملناهوش.

البناء فعل صعيب برشة والعمل فعل صعيب برشة زراعة الامل فعل صعيب برشة …نقاش الافكار فعل صعيب برشة .. لكن ثقافة الهدم والتنبير ونقد النوايا  هي اسهل شيء ممكن