جيهان ميلاد تنهار باكية على المباشر :”فقدت خويا والسند متاعي.. حاسة روحي بلاش قلب”(فيديو)

تأثرت الإعلامية جيهان ميلاد حدّ البكاء في أول يوم لها في تقديم برنامجها “رمضان الناس” على موزاييك، وذلك بعد وفاة شقيقها بلال ميلاد، وقالت جيهان وهي تذرف الدموع على المباشر :”المعذرة على الغياب الكلكم سمعتو أكيد وتفاعلتو معايا.. ظرف صعيب تعدينا بيه العائلة الكل.. فقدت خويا وقلبي والسند متاعي نحس روحي بلاش قلب.. سامحوني الله غالب.. هذا حكم ربي أما موش بالساهل.. خويا صغير ان شاء الله في الجنة يا بلبل.. سامحوني وشكرا على وقفتكم معايا”.

وبعد الحلقة، نشرت جيهان تدوينة مؤثرة هذا ما جاء فيها :”أصعب نهار خدمت فيه…مانعرفش كيفاش مشيت نخدم اصلا!

مالقيتش لا الصوت و لا الكلام…و موش باش نلقاهم كيما برشا حاجات مشاو معاك يا روح اختك…ربي يتقبلك في الجنه يا بلبل…قداه الناس تحبك ياغالي و قداه خليت وراك كان الكلام الباهي و الفعل الابهى…كل واحد يعرضني يقلي “تشوينا عليه”…مالا احنا اش نقولو يا بلال؟!

يارب يصبرنا و يرحمك يا بلبل يارب”