بن صالحة يردّ على خولة سليماني :”هل من البراءة صاحبتك تتوفى ما تروّحش لدارهم؟وكي تحكي في التلفزة نفسيتك تسرحت؟” (فيديو)
أعلن المحامي منير بن صالحة في برنامج ”نجوم” اليوم السبت 22 جوان 2024، أنّه تقدّم بشكايتين الأولى ضدّ الممثلة خولة سليماني على خلفية تصريحات أدلت بها في أحد الإذاعات وتضمنت ”سبّا وشتما” في حقّه، حسب تقديره، متابعا أن ”الشكاية الثانية في حقّ من وفّر لها الوسيلة وهم معد ومحاور وصاحب البرنامج”.
وأكّد بن صالحة أنّ البرنامج مسجّل وأنّ صاحب البرنامج تعمّد بثّه، وتمت معاينة كل التصريحات عن طريق عدل منفذ.
كما بيّن منير بن صالحة أنّ المعنية بالأمر ”انزعجت” من تدوينة نشرها على حسابه الشخصي على موقع ”فايسبوك”، تضمنت 3 كلمات وهي ”خولة ليست بريئة” رغم أن لا شيء يثبت أنني أتحدث عنها، يقول بن صالحة.
وتابع: ” فما أكثر من خولة مهمة في تونس تستحق كلامي…أما بخصوص السياق العام فأنا غير مسؤول عنه”.
”من قال إنني أتحدث عن البراءة القانونية هناك براءة أخلاقية أيضا”، يقول منير بن صالحة ويضيف: ”قد يكون خولة ليست بريئة هو عنوان كتابي الجديد”.
وأضاف: ”فلتقاضيني على تدوينة ”خولة ليست بريئة” لن تنال شيئا وسأقاضيها بمعنى المرسوم 54 على خلفية تصريحاتها ضدّي في المقابل هي ستؤاخذ قانونيا وستنال عقابها وجزاءها”.
أما بخصوص وفاة الانستغراموز فرح بالقاضي، خيّر بن صالحة عدم الخوض في الموضوع احتراما لعائلة الفقيدة”،
وتابع: ” والد فرح صديقي و زميلي منذ سنوات و عزيتو و ربي يرحم بنتو فرح… البارح شهدت ولادة ممثلة (خولة سليماني).. هل من البراءة انو صديقتك تتوفى وما تروحش لدارها..و الطبيب مانع عليك الكلام و من بعد تحكي في التلفزة باش تسب منير بن صالحة؟ ؟.. شنوه مستواها بش تفرق شهايد المحاماة و تقول هذا محامي و هذا مش محامي..الانسانة هاذي جاتني و قتلي عاوني في قضية مسلسل “قلب الذيب” و ربحتلها القضية و ما عطاتنيش اتعابي و ما خلصتنيش. (خولة ليست بريئة) انا ما فسختش التدوينة، الفايسبوك نحاها وحدو والله قلي ماهيش مطابقة les standards و من بعد درج عمل examination و رجعها وحدو اقسم بالله العظيم.. انا قدمت شكاية بيها هي و بالقناة الي استضافتها و صاحب البرنامج و المحاور خاطر الحوار مسجل و كانو ينجمو يعملو مونتاج وقتلي هي جبدتني… انا قلت (خولة ليست بريئة) ما قلتش اللقب… ياخي كان هي خولة في تونس؟؟؟ عندنا برشا خولات اهم منها في تونس.. هي غبية و جبدتني بالاسم و اللقب تحكي على سيدها منير بن صالحة و ستنال جزاءها حسب المرسوم 54.. ( خولة ليست بريئة) كتابي الجديد سيصدر في ديسمبر ؟ “”.
