برهان بسيس يعلن انتداب كمال المغربي كرونيكار في برنامجه:حشود تتنقل بهستيريا من ”وناس” إلى ”بلقاسم” …

علق الإعلامي برهان بسيس على الجدل الذي اثاره لإستضافته لرئيس حزب الزيتونة عادل العلمي في برنامج “تحت السور” على قناة التاسعة ، حيث اعتبر العديد من المشاهدين ان استضافة أمثال العلمي غرضها جلب نسب المشاهدة خاصة و ان هذا الأخير عرف بآرائه المتطرفة و العنيفة.و قال بسيس في منشور مطول عبر حسابه الرسمي بموقع التواصل الإجتماعي “فيسبوك” ما يلي :جبنا المرحوم سيد القمني في ظهور تلفزي وحيد في تلفزة تونسية، ما تفرج فينا حد، لا سبّونا لا شكرونا….جبنا ليلى خالد…. ما اهتم حتى حد…. لا سبونا لا شكرونا…. جبنا الهادي التيمومي، لا التفتو لا عبرو، جبنا يوسف الصديق، لا اهتمو لا غزرو، جبنا علمانيين ومتدينين، جبنا لاد ينيين ومؤمنين، جبنا الي ناقش على عبد الناصر واليسار واليمين، جبنا المولدي الڨسومي واساتذة جامعات مرموقين، جبنا باحثين في العلوم والأفكار والقضايا الكبرى، جبنا كتاب وسياسيين وخاصة سياسيين ملي يكتبو ويحاولو يفكرو….هذا لكل النافع ربي… لا التفت حد لا علّق حد ، لا تحمّس حد….البارح جبنا عادل العلمي، الحمد الله، أعلموني انو نسبة المشاهدة كانت جيدة، والعباد تتفرّج وتسب وهي مسألة باهية للاخوة المستشهرين.اذا وبناء عليه يا بالحرام بش نسعي المرة القادمة انو يكون معايا المرة الجاية الاستاذ كمال المغربي متع البقراج كضيف و كان يتفضّل ويقبل كمحلّل استراتيجي قار في البرنامج، قالو ثقافة قالو فكر قالو مستوى، حشود تتنقّل بهستيريا من ونّاس متع براءة لبلڨاسم متع خرافة 900مرا لا تستحق اكثر من هذا.كل التقدير للأصدقاء الي فهمو الحكاية هاذي قبلنا بكثير….لأرواحكم السلام..