الفة يوسف للغنوشي: ماللي رينا وجوهكم ما رينا خير…
اعتبرت الكاتبة الفة يوسف بان حديث رئيس حزب النهضة راشد الغنوشي بان ثقافة الإقصاء سينتج عنها عدم خلاص الموظفين وعدم الحصول على الماء والكهرباء غير صحيح. واضافت الفة يوسف ان الدليلة عن ذلك هو ان المرتبات والماء والكهرباء كانوا متوفرين بشكل جيد قبل 2011 عندما تم اقصاء الارهابيين وخونة الوطن على حد تعبيرها.
وفيما يلي نص التدوينة:
الغنوشي قال لكم ثقافة الإقصاء سينتج عنها عدم خلاص الموظفين وعدم الحصول على الماء والكهرباء…
لا، ما تقول ها الكلام يا “شيخ”؟ كانك على ثقافة إقصاء الإرهاب والإرهابيين وخونة الوطن ، الساعة نتيجتها ممتازة قبل 2011…بالأمارة، الشهاري موش كانوا منتظمين اكهو ، كانوا كل عام يزيدو، والماء والضوء كنا ناخذو فيهم بربع سوم تو، والبلاد كانت في خير…
الله يرحم رجال ونساء تونس…اما انتوما واذيالكم من حقوقيي ومعارضي الطابور الخامس اللي صابهم البكش فجأة، ماللي رينا وجوهكم ما رينا خير…
بجاه ليلة الجمعة المباركة، ان شاء الله ما يوفى العام الا ما تونس ترتاح من وجوهكم…
قولوا آمين…
ووقتها تو يرجع الماء والضوء والشهاري والامان والتشغيل والأمل في المستقبل بطبيعتهم…
