التونسي لطفي بوسدرة :”بطلت الرقص خاطر نعرف الي هو حرام.. نحاول نتحسن و نستوي روحي”
نشر الراقص الكوريغرافي التونسي لطفي بوسدرة اليوم الأحد 19 نوفمبر 2023 تدوينة على حسابه الخاص يعلن من خلالها اعتزاله الرقص ردّا على أسئلة متابعيه بعد غياب طويل عن الظهور الإعلامي والمشاركة في الحفلات.
وقال بوسدرة أنه ابتعد عن الرقص لأنه يعلم أن ذلك حرام منذ بداية مشواره، وجاء في تدوينته :”
ياخي بطلت الدونس ؟ علاش ما عادش نراوك فالتلفزة ؟
السؤال هذا تعاودلي برشا مرات اخر عامين حتى من ناس خدمت معايا قبل كنت ديما نحاول نجاوب بدبلوماسية بدلت الدومان !! و كنت نتمنى ردة فعل إيجابية مالناس اللي تعرفني على الأقل لكن الإجابة علاش بطلت و التلفزة و أنت طير فالدونس و الفازات …”.
مضيفا :”
بطلت الدونس خاطر بيني و بين روحي نعرف هو حرام وحتى و كان كنت موهوب في وقت ما كنت ديما نخمم نبعد و على فكرة اللي قرابلي يعرفو اللي أنا هكا نخمم من قبل..
خدمت كمنشط مع الصغيرات الموهوبين خاطر مهم انو تعطيه فرصة و تقدمو للمجتمع و هذا يأثر إيجابيًا على حب العمل
انا كيما انا ما تبدلتش اما نحاول نتحسن و نستوي روحي .. كلام الناس ماهوش مهم قد اقتناعك بالحق.. شكرا”.
