الباباراتزي يفضح مرام بن عزيزة :”هازة تصويرتي تحب تسحرني أنا وعزة سليمان وطليقك يا قرهمانة.. راهو ما يرجعلكش” (فيديو)
نشر صانع المحتوى التونسي حافظ الطياشي المعروف بفقرة “الباباراتزي” في برنامج فكرة سامي الفهري تدوينة على حسابه الخاص يتهم فيها الممثلة التونسية مرام بن عزيزة باللجوء إلى العرافات من أجل سحره هو وعزة سليمان وطليقها نديم الحباسي وتحطيمهم.
وقال “الباباراتزي” أنه تلقى تسجيلا صوتيا لها لدى احدى العرافات، وهذه التفاصيل التي نشرها :”
أسمع يلي ما سمعتش آخر ما صدر ممثلة تونسية تدور بتصويرتي من عرافة لعرافة قال شنوة تحب تحطمني وتعطلني..”.
وأضاف :” ايا سيدي يا بن سيدي راكش على روحي في أمان الله ويجيني تالفون من صديقة قديمة عنا برشا ما حكيناش قتلي حافظ ياخي عندك مشكلة مع فلانة؟ قلتلها واللهي كل واحد على روحو حكاية قديمة عندها 3 سنين قتلي ايجا اجري عندي ما نسمعك، نخدم الكرهبة ونمشي نقابل الطفلة ويا ليتني ما مشيت.. تسجيل فيه صوت الممثلة هاذي عند وحدة مالعرافات تقلها نحب نحطمو ونحب نخليه ديما اللوطة وما يقدم في شي وبرشا كلام اخر نحشم حتى باش نقولو.. وزيد ماهيش أول مرة عملتها الحكاية هذي لطليقها ولممثلة تونسية أخرى تموت وتغير منها..”
وختم قوله :”أنا ما عندي ما نقلك كان حسبي الله ونعم الوكيل فيك !! الحمد لله مرضي أمي وبابا ومرضي ربي الي أقوى منك ومالعرافات الي تحبهم يحطموني الكل وكان ما جيتش نخاف ربي راني سميتك بالاسم وهبطلك التسجيل خلي تونس الكل تشوف العاقلة والي نهار كامل “Positive vibes” في الستوريات وما يهمك في حد وعايشة حياتك وانت قرهمانة والعباد ما تعرفكش على حقيقتك
نصيحة مني سيب عليك راو ما عندك وين توصل عنا مشكلة خليها تمشي بأمور قانونية.. لا السحورات باش ترجعلك طليقك الي باش تموت عليه لليوم ولا الشعوذة باش تنجم تحطمني وتخليني اللوطة ولا العرافات والشرك بالله باش تدمر بيهم زميلتك الي تطير عليك.. الفلوس كان لميتهم ومشيت عملت بيهم رقية شرعية والا عمرة فماش ما ربي يفيقك على وضعك وتخرجنا من مخك شوية وترتاح وترتحنا خير”.
