إيمان الشريف تردّ :”أنا الديفا..شبهوني بأمينة فاخت خاطر جريئة وكي نبدى على الركح ننسى روحي”(فيديو)
ردّت الفنانة التونسية إيمان الشريف خلال استضافتها في عدد اليوم من برنامج “أو ستار” على إذاعة ديوان أف أم، على الإنتقادات التي طالتها مؤخرا بسبب ملابسها الجريئة و تشبيهها بالديفا أمينة فاخت بسبب الحركات التي تقوم بها في الحفلات التي تحييها.
وقالت إيمان الشريف :
“العقلية متاع الديفا في تونس مربوطة بامينة فاخت خاطر مافماش حد جريء كيفها .. أنا ملي بديت نغني وأنا صغيرة نغزرلها وتعجبني الشخصية هذيكا إلي هي متصالحة مع روحها ومايهمهاش … الموزيكا مافيهاش حشمة والركح مافيهش عقد ، فما حاجة بركا لازم تكون بينك وبين الناس هو الإحترام … أنا سماوني الديفا موش أنا اخترت وقلت يلزم نتماشى مع الحاجة إلي هوما عطاوهالي ونخدم عليها في كنف الإحترام وأنو أنا نرجعلهم غنايات ونخدم انتاجات ونكون سفيرة لعدة جمعيات ونستغلها للحاجات الباهية ، مانكونش أنا ديفا نخلص برشا فلوس وراقدة لا منحبش هكاكا بل نحب نكون منتجة .. “.
و أردفت ذات الفنّانة :”نمن أنو الاستمرارية هي إلي تهزك للبلاصة إلي أنت تحب عليها وبلاصة الديفا هوما يراو فيا فيها لكن أنا نراها مازالت القدام ماشية لغادي … الفنان لازمو ينقل الصورة حلوة كما هي بجمالية فنية وهذا إلي يخلق الفرق بينو هو وعبد عادي … الديفا ماهيش ساهلة ، مايقلقنيش تشبيهي بامينة فاخت خاطر ماشبهونيش بعبد نكرة ولا فاشل ، لليوم الأغاني متاعها مازالو موجودين .. “.
كما أكّدت إيمان الشريف أنها لا تقارن جرأتها مع أي فنان آخر و قالت :”عمري ما قارنت بين الجرأة متاعي ومتاعها ، مانعرفش حدود جرأتها لوين .. أنا عندي البصمة وعمري مانقلد حد ، هوما تفاصيل متاع أحاسيس وكي نبدى على الركح ننسى روحي ونخمم بعقلية ممثلة موش نغني كهو ، الممثلة إلي فيا ماخذة بلاصتها على الركح”.
الفيديو :
