أم زياد تهاجم بعنف عبير موسي..

علّقت الناشطة السياسية والحقوقية ،نزيهة رجيبة،ام زياد على دعوة عبير موسي لعدد من منظمات المجتمع المدني للعمل لديها والانصياع لاوامرها للقيام بوقفة احتجاحية نسوية أمام مقر اتحاد القرضاوي بتونس.

ودونت ام زياد على صفحتها بفايسبوك ما يلي :

وجهت الدعوة للمجتمع المدني باش يوقف معاها قدام خربة القرضاوي الشي الوحيد اللي بقالها من اصلها التجاري واللي فيه قضية وربما يتحكم ضدو كي تحل السنة القضائية لكن هي ما تحبش تستنى حكم القضاء حاجتها بسكانة باش تحير اسمها
…وانا نقرا في اسامي الجمعيات ضحكت بالصوت كي قريت الرابطة التونسية للدفاع عن حقوق الانسان وتذكرت صولاتها وجولاتها فيها للتشويش على الاجتماعات قبل ما يتغلق مقرها ويولي نهج بودلير في العمران حيث مقر الرابطة ما يتعداو منو المارين … حتى السكان الا ما يخضعوا لمراقبة صارمة و ظالمة وكأنو معبر تحرسو القوات الصهيونية

…في الحقيقة عبير ما تحبش و لا تحترم المجتمع المدني والجمعيات القليلة اللي تعترف بيها وهي من نوع امهات تونس متاع معلمتها السيدة العڤربي … انما عاملة هذا الكل وهي تعرف انهم مايتعاملوش معاها ..باش في الاخر تشوههم وتتشكى منهم ..وتقول : شفتو يا توانسة…سجل يا تاريخ 😃
ما نقبل تعليق حتى عبوري …. ولا يستوي فاقدو الذاكرة ومن ذاكرتهم حية وتحس