الفنانة آمال علوان تتعرّض لحادثة أليمة داخل مؤسسة التلفزة التونسيّة : “المرا بالنسبة ليهم جواري”

قالت الفنانة آمال علوان، اليوم السبت في برنامج الويكاند، أنّها تعرّضت لحادثة اليمة داخل مؤسسة التلفزة التونسية.

وقالت علوان ” مافماش إحترام للفنان وأكثر من هذا مافماش إحترام للمرأة ، نعيش في مجتمع يتظاهر بأشياء غير صحيحة في الواقع ويقلك حرية المرأة وحقوق المرأة و … و … لكن كلها لغة . اليوم أنا كإمرأة تونسية تهضم حقي في مؤسستي إلي نخدم فيها أهان وأنعت بكل النعوت . أنا اليوم عمري 51 سنة نتعرض للإهانة من زميلي يخدم معايا لأنو هو في منصب متاع رئيس مصلحة في التلفزة الوطنية ونتمس في صمعتي وشرفي في مقر التلفزة التونسية وحاول حتى يتهجم عليا قدام رجال كيفو ومنعوه . قتلو كانك راجل اضربني ولا حط صبعك عليا … أسهل حاجة باش يهد مرا يمسها في سمعتها وفي شرفها … لليوم مانجمتش نرقد … أحنا عايشين في مجتمع رجالي ذكوري والمرا بالنسبة ليهم جواري … الجمال نقمة بالنسبة للفنانة والإعلامية نقمة “