الدلاجي يهاجم بية الزردي :”إنت حاولت تقتل زازا.. وولدها لتوا مريض عليها” !
هاجم الفنان الشعبي مصطفى الدلاجي في برنامج “mraw7-in” على إذاعة شمس أف أم، الإعلامية بية الزردي بعد تصرفاتها الأخيرة تجاه الفنانة زازا وقال :
“لحقيقة أنا مصدوم ومانجمش نسكت ، يعني في جمعة متاع المولد والتسامح شمعناها أنت تقطعلها تصويرتها .. يعني كان صرحولك في فرد تقتلها … راهو توا تونس ماتتحملش عركة أخرى بيني وبين بية الزردي لكن يا بية c’est grave إلي عملتو … أنا ماعتذرتش منها ومانعتذرش وهي قاعدة تدور في البلاتوات وتقول مصطفى اعتذر مني … عيطولي وقتها في رمضان في الإذاعة قلت توا موسم وغدوة عيد فالمسامح كريم وقلتلها عيدك مبروك أما ما اعتذرتش منها … إلي عملتو نراه محاولة قتل الحقيقة متاع ربي … زازا انسانة ومواطنة وتونسية وشنوة إلي خلاك تعمللها هكاكة وولدها مشوي صغير ومريض وعندها امها وراجلها وصارلها مشكل عائلي مع زوجها …
نقول لبية راك manipulée وتحيلو عليك في البرنامج … إذا كان النقابة قالت مايمشي حد للبرنامج أنا سامحوني نمشي ونعارك في البلاتو … هي عايرتني بالبحة قالت مايجيش منشط مبحاح ! لا نجي خاطرني متربي … شنوما المؤهلات متاعك إلي خلاتك تشد 30 سنة في الإعلام ؟ … أنا نجي للبلاتو ونعارك والفنانين الكل مستعدين يهبطولك فيديوات في الكواليس ويقطعولك تصويرتك ، أنا نقول لا ماتصلحوش غلطة بغلطة …”.
